مضحوك عليك بشاشة سودة،
محطوطة ف الأوضة،
و إنت بتختار أنهي بيكاسو فيهم يرسملك اللوحة،
بيصورولك أي رأي مختلف إنه أمنا الغولة،
مش هيسيبوك لأ بتفكر ده خطر أكبر عالمنظومة،
معروفة.. لأي حد واعي بيفهم،
الشاشة دي مش عايزة منك غير إنك تسمع تركع،
و ساعتها.. تبدأ تلغي مخك،
و فجأة ف ثانية أصبح فكرك مش ملكك،
فخلاص إنسي.. خلوك إنسان آلي و لسه،
هتشوف أخوك ع الشاشة مقتول هتقول "أنا مالي بيحصل،
أنا مش فاهم الفكرة إيه اللي وداه هناك أصلاً"،
بس على رأي طبالين السلطة "الواد ده قابض طبعاً"،
صح؟ ده اللي بيقولوا كل مسخ منكم،
بتيجوا قدامها تاخدو الكدبة نسخ على عقولكم،
نفس النظام بيحكم، نسف أفكار جيلكم،
ف السادسة الفاتحة على كل نفس سبقتكم..
0 التعليقات:
إرسال تعليق